MizaFinance
برنامج حسابات تجاري وشخصي — موبايل وكمبيوتر

أي تفصيلة في تجارتك
تعرفها في لحظة

بدل ما تقلّب في الدفتر أو تلف في شيتات إكسل: اسأل البرنامج مين عليه فلوس؟

✓ 15 يوم تجربة مجانًا✓ شغال من غير نت✓ بياناتك على جهازك
الشاشة الرئيسية في MizaFinance
ليك عند العملاء16,943
ربح الشهر+1,932
قيمة المخزون71,481

أسئلة الدفتر بيتوه فيها… والبرنامج بيجاوبها بضغطة

اضغط على أي سؤال وشوف الإجابة من جوه البرنامج.

كل عميل ومديونيته وعمرها، ومين متأخر ومين منتظم — من غير ما تقلّب في ورقة واحدة.

صافي ربحك بعد المصاريف لأي فترة تختارها، ومقارنة بالفترة اللي قبلها.

ترتيب الأصناف بالربح والهامش، وتصنيف يوريك الأصناف اللي شايلة شغلك.

ربح كل شريك والمطلوب منه والمستحق له، محسوبين لوحدهم مع كل عملية.

الأصناف اللي قربت تنتهي، والكمية المعرّضة إنها ما تتباعش قبل تاريخها.

كشف حساب كامل بالرصيد بعد كل عملية، يتبعت PDF أو صورة على واتساب في ثواني.

مين عليه فلوس؟ ومن إمتى؟كسبت كام الشهر ده؟أنهي صنف بيكسّبني فعلًا؟نصيبي ونصيب شريكي كام؟إيه اللي صلاحيته قرّبت؟العميل عايز كشف حسابه

إيه الفرق عن اللي بتستخدمه دلوقتي؟

MizaFinanceالدفترإكسل
رصيد كل عميل ومورد لحظة بلحظة✓ بيتحسب لوحده مع كل عمليةتجمع بإيدكلو المعادلات سليمة
المخزن بينقص مع كل بيعة✓ تلقائي، وبالصلاحية✗شغل يدوي
ربحك الحقيقي بعد المصاريف✓ لأي فترة بضغطةحسبة آخر الشهرمحتاج تبنيها
حساب الشركاء ونصيب كل واحد✓ محسوب مع كل عمليةمصدر خلافاتمعقّد
فاتورة وكشف حساب للعميل✓ PDF أو صورة على واتساببخط الإيدتنسيق كل مرة
تسجّل وانت واقف في المحل✓ معمول للموبايللو الدفتر معاكصعب على الموبايل
لو ضاع أو باظ✓ نسخة احتياطية مشفّرة تلقائيًاالحسابات راحتلو فاكر تحفظ نسخة
غلطت في عملية؟✓ تراجع بضغطة، وسجل بكل تغييرشطب وتعديلممكن تبوّظ الشيت

وعن برامج المحاسبة التانية؟

كتير منها يا معمول للمحاسب، يا بسيط بيسجّل وخلاص. MizaFinance معمول للتاجر نفسه: لاحتياجاته، ولأسئلته اللي صعب يلاقي إجابتها.

عشان تجارتك وقراراتك تمشي بأرقام وتقارير دقيقة… مش بالإحساس.

📊 تقارير بتجاوب أسئلتك إنت

مش قيود وميزان مراجعة. تقارير بلغة التاجر: أنهي صنف وأنهي عميل بيكسّبك، مين متأخر في السداد، إيه اللي صلاحيته قرّبت، وربحك شهر بشهر.

🤝 الشراكة جزء من البرنامج

بضاعة بشريك؟ نصيب كل واحد من الربح والمطلوب منه بيتحسبوا مع كل بيعة، و«حصتي» ظاهرة في كل تقرير.

📱 الموبايل هو الأساس

كل حاجة بتتعمل من موبايلك وانت في المحل أو عند العميل، ومعاه نسخة للكمبيوتر.

🎯 من غير تدريب ولا محاسب

بيتظبط على شغلك بكام سؤال، بيخفي اللي مش محتاجه، وجواه مساعد يجاوبك بالخطوات.

🔒 بياناتك عندك إنت

حساباتك على جهازك مش على سيرفر حد، وشغال من غير نت.

💼 شغلك وجيبك في مكان واحد

التجارة والحسابات الشخصية في نفس البرنامج، وصافي ثروتك في رقم واحد.

مش هتاخد وقت علشان تتأقلم عليه… ده بيتفصّل على شغلك

🎯 بيتظبط على طريقة شغلك

كام سؤال في الأول، والبرنامج يظهّر الأقسام اللي محتاجها بس ويخفي الباقي: شركاء، آجل، صلاحية، فيزا… وتغيّرها في أي وقت.

ظبّط البرنامج على شغلك

📥 تنقل حساباتك القديمة

جاي من إكسل أو برنامج تاني؟ انقل أرصدة عملائك وأصنافك وابدأ من حيث وقفت، مش من الصفر.

محتاج مساعدة؟ كلمنا
نقل البيانات القديمة

💼 لشغلك

مبيعات ومشتريات · مخزن وصلاحية · عملاء وموردين وآجل · شركاء وأرباح · مرتجعات · فواتير وكشوف حساب · مركز تقارير كامل

👤 ولحساباتك الشخصية

مصاريفك · وارداتك · سيولتك في كل حساب · استثماراتك · الزكاة والصدقات — وصافي ثروتك في رقم واحد.

برنامج بيكبر معاك

البرنامج في تطوير مستمر: مزايا جديدة بتنزل كل شوية، وبتوصلك طول اشتراكك. واقتراحاتك بتدخل في خطة التطوير.

أكتوبر 2026كشف العميل الكامل · فواتير PDF وصورة · إشعار الحساب على واتساب
أول نوفمبرالنسخ الاحتياطي التلقائي · «ظبّط البرنامج على شغلك»
نوفمبرالمرتجعات · مركز التقارير · تصدير Excel و PDF · نقل البيانات القديمة
منتصف نوفمبرالمساعد الذكي · تشفير النسخ الاحتياطية · النزول على Google Play
قريبًاالمزامنة التلقائية بين الموبايل والكمبيوتر

💡 عندك اقتراح؟ ممكن يبقى الميزة الجاية

قبل ما تسأل

عندي حسابات قديمة في إكسل أو برنامج تاني، هبدأ من الصفر؟

لأ. فيه جوه البرنامج «نقل بياناتك القديمة»: تنقل أرصدة عملائك ومورديك وأصنافك من ملف Excel أو بلصق النص، وبتراجع كل حاجة قبل ما تتحفظ. ولو احتجت مساعدة في النقل كلمنا على واتساب.

شغلي ليه طبيعة خاصة، البرنامج هيناسبني؟

البرنامج بيسألك كام سؤال في الأول ويظهّر الأقسام اللي بتستخدمها بس: بتشتغل بشركاء؟ بالآجل؟ عندك مخزن بصلاحية؟ وتقدر تغيّر ده في أي وقت. ولو لقيت حاجة ناقصة في شغلك قولنا.

ينفع أشتغل على الموبايل والكمبيوتر مع بعض؟

البرنامج شغال على الاتنين، وتقدر تنقل بياناتك بينهم بالنسخة الاحتياطية. والمزامنة التلقائية بين الموبايل والكمبيوتر هتتاح قريبًا.

بياناتي في أمان؟

حساباتك على جهازك إنت، مش عندنا. البرنامج بياخد نسخة احتياطية مشفّرة لوحده، وتقدر تقفله برقم سري أو بصمة.

كل الأسئلة الشائعة ←

جرّبه على شغلك الحقيقي 15 يوم

سجّل عملياتك وشوف تقاريرك. لو ما فرقش معاك، ما تدفعش حاجة.